Zimmerische Chronik, Herausg. Von K.A. Barack - Taschenbuch

This historic book may have numerous typos and missing text. Purchasers can download a free scanned copy of the original book (without typos) from the publisher. Not indexed. Not illustrated. 1881 Excerpt: ...begraben, do sei er im bet bei seinem gemahl, der von Bersell, gelegen. Wie er nun in der nacht erwacht und im villeucht von ob5 gehörter Barbel von Friedingen getraumpt, derhalben auch sein eheweib gleich nach vollendtem schlaff angriffen und sie mit dem namen Barbel angesprochen, do hat sie im mit flacher handt ein streich an den backen gegeben, sprechendt: »Ich haifs Johanna und nit Barbel.« Ein sollichs io hat der theur graf, seitmals er sich schuldig gewüst, verdrucken miefsen. Also auch über etliche jar hernach, wie schon grave Christof von Werdenberg mit todt abgangen und grave Friderrich von Fürstenberg, sein dochterman, den Hailigenberg und andere werdenbergische güeter in 15 hette, truegen sich doch dergleichen hendel auch zu. Bemelts graven gemahl het ain jungen eisenhuet oder beschliefserne, der den leuten auch gleich sahe, hiefs Magdalena; do gieng es manichmal seltzam zu, wie es dann bei nechtlicher weil in sollichen fellen ungetrewlich ist, bevorab mit 20 denen, die sich nit vast weren oder schreien. Insonderhait uf ain zeit wardt die guet grefin krank am griefs oder ufs einer andern ursach, das sie ufser rath der arzet zu angender nacht am rucken sich salben muest. Wer war fröer, dann der graf, das er ein wenig ain ursach mocht fürwenden, 25 und sprach, er mechte nit mehr im frawenzimmer ligen, es stünk übel nach den salben und schmürben, er mecht ie den gestank nit erleiden, wer im gar zu wider. Also enthielt er sich des orts und lag wol sechs oder mehr wochen hieniden in seinem gemach. Aber es steckt ein anders dar 30 hünder. Letstlich fieng es die grefin, sein gemahl, an zu merken, der wolt die weil lang bei solichem wesen werden. Dieweil sie es aber in ander weg füegel...